ARPA İdarə Heyətinin sədri Günay xanım Şahbazova və Naxçıvan Muxtar Respublikasının Maliyyə Nazirliyi yanında Maliyyə Tədris Mərkəzinin Direktoru Mehriban xanım İmanova arasında görüş keçirilib.
Görüşdə İdarə Heyətinin sədri Assosiyasiya tərəfindən həyata keçirilən və mühasibat uçotu sahəsində çalışan peşəkarlar tərəfindən böyük maraqla qarşılanan “Peşəkar Mühasib” sertifikasiyası təlim kursları, “Peşəkar Sığortaçı Sertifikasiya” imtahanı, “Universal Bank İşçisi” və digər sertifikasiya proqramları haqqında qonağa ətraflı məlumat verib. Bununla yanaşı, görüşdə mühasiblərin və sığortaçıların ixtisaslaşdırılmasına və peşə fəaliyyətinin inkişafına dəstək, bu istiqamətdə #ARPA tərəfindən keçirilən təlim və sertifikasiya kurslarının mahiyyəti, yaxın gələcəkdə iki qurum arasında əməkdaşlıq sazişinin imzalanması kimi mövzulara da toxunulub.
Görüş çərçivəsində bu sahədə perspektiv əməkdaşlıq imkanları üzrə geniş fikir mübadiləsi aparılıb, qarşılıqlı əlaqələr və birgə layihələr müzakirə olunub.