Azərbaycan Respublikası Maliyyə Nazirliyindən «Peşəkar Mühasib Təşkilatı» kimi akkreditasiyadan keçmiş Azəbaycan Mühasiblər və Risk Peşəkarları Assosiasiyası (ARPA) ilə Diplomlu və Sertifikatlı Mühasiblər Assosiasiyasının (ACCA) akkreditasiyasına malik Azərbaycan Dövlət İqtisad Universiteti (UNEC) arasında birgə əməkdaşlığa dair Memorandum imzalanıb.
Memorandumun əsas məqsədi tərəflər arasında mühasibatlıq, risk və sığorta sahəsinə, Peşəkar Sığortaçı Sertifikasiyası (PSS) və Peşəkar Mühasib Sertifikasiyası (PMS) imtahanlarına olan marağın artırılması, bu sahədə maarifləndirici təbliğat işlərinin yüksək səviyyədə təşkil edilməsi, tələbələrin gələcəkdə qeyd olunan sahələr üzrə peşəkar mütəxəssis kimi yetişməsinə nail olmaqdır.
